Gjakovë, 19 Janar 2016
Klubi Rotarian Gjakova-Çabrati dhe Rotary Club of Edwards nga Colorado, SHBA me përkrahjen e Fondit Ndërkombëtar Rotarian nga Rotary International për projektin “TeleMedicina për Qendrat e Mjekësisë Familjare Rurale-Gjakovë” kanë siguruar grantin për pajisje medicinale për Qendrën Kryesore të Mjekësisë Familjare (QKMF) të Gjakovës, gjegjësisht për Komunën e Gjakovës. Qëllimi i projektit është dhurimi dhe instalimi i pajisjeve digjitale mjekësore në qendra mjekësore rurale si dhe nyjën ndërlidhëse në QKMF Gjakovë për të ofruar shërbime shëndetësore cilësore tek komunitetet në zonat e largëta në komunën e Gjakovës.
Rrjedhimisht Qendrës së Mjekësisë Familjare (QKMF) të Gjakovës i janë dhuruar donacion tri kite që në përbërjen e tyre kanë gjithsej 30 pajisje mjekësore dhe 3 laptop për telekomunikime. Sipas Butrint Batalli nga KR Gjakova-Çabrati, qëllimi i këtij projekti është ofrimi i shërbimeve shëndetësore tek komunitetet në zonat e largëta në komunën e Gjakovës me objektiv avansimin e shërbimeve të mjekësisë primare në Komunën tonë si dhe ndërlidhjen e kujdesit shëndetësor primar me atë sekondar dhe terciar duke mundësuar dhe lehtësuar komunikimin përmes pajisjeve mjekësore telemedicinale.
Klubi Rotarian Gjakova-Çabrati ka blerë pajisjet mjekësore nga Medweb nga SHBA që është liderë botëror në ofrimin e pajisjeve në fushën e telemjekësisë. Medweb Handheld Telemedicine Kits (HTK) përmbajnë pajisje dhe vegla mjekësore shumë cilësore, dhe paraqesin një nga risitë kryesore të telemjekësisë që po formësojnë të ardhmen e kujdesit shëndetësor në botë.
Gjatë zbatimit të projektit do të mbahen trajnime për të gjithë stafin mjekësor të QMF të Gjakovës nga inxhinierët dhe doktorët e ardhur nga SHBA.
Ky donacion paraqet një prej projekteve më të mëdha të Rotarianëve në Republikën e Kosovës, dhe vjen falë punës së palodhshme vullnetare të Rotarianëve të KR Gjakova-Çabrati dhe Edwards.
Pjesë nga mbulimi medial i lansimit të projektit të Klubit Rotarian Gjakova-Çabrati “TeleMedicina për Qendrat e Mjekësisë Familjare Rurale-Gjakovë” – TV Syri. Klikoni në linkun më poshtë.
jazz surf WordPress theme