Vizita e Rotarianëve Kosovar në SHBA
Klubet Rotariane Zelienople, Slippery Rock, Grove City dhe Warren pjesë e Distriktit Rotarian 7280 nga Pensilvania, SHBA nën patronatin e Guvernatorit të Distriktit Rotarian 7280 z.Ruzhdi Bakalli gjatë muajit Qershor 2015, mirëpriten mysafirët nga Kosova përmes programit Rotarian të shkëmbimit të miqësisë. Vizitorët nga Kosova ishin Rrezarta Nallbani-Batalli, Butrinti Batalli, Artan Bakija, Albina Axhemi, Fatos Axhemi dhe Ylber Muhaxhiri nga dy klube rotariane Gjakova-Çabrati dhe Prishtina-Dardania.
Në të gjitha takimet e organizuara me Rotarianët, anëtarët e Rotarit nga Kosova informuan mirëpritësit Rotarian në lidhje me vendin e tyre, aktivitetet dhe projektet e Rotarit në Kosovë, angazhimet dhe përvojat e tyre profesionale. Me Rotarianët nga SHBA u bisedua dhe u shkëmbyen përvoja në lidhje me avancimin e mëtutjeshëm të shërbimit ndaj komunitetit dhe bashkëpunimit në mes të klubeve respektive të të dy vendeve tona.
Me datë 15 Qershor për nder të mysafirëve nga Kosova, Klubi Rotarian Slippery Rock e shpalli këtë ditë si ditë të Kosovës.
Prej datës 19 gjerë më 21 Qershor u organizua Konferenca përmbyllëse e vitit Rotarian të Distriktit 7280 nën udhëheqjen e Guvernatorit z.Ruzhdi Bakalli.
Konferenca e Distriktit Rotarian 7280 e mbajtur në resortin Peek’n Peak, New York u vlerësua si më e suksesshmja e mbajtur viteve të fundit dhe atë për arsye të rezultateve të arritura në ngritjen e anëtarësisë së distriktit si dhe për ngritjen e fondeve në nivel të Distriktit dhe për fondacionin e Rotarit Ndërkombëtar.
Një karakteristikë tjetër e veçantë e kësaj konference ishte pjesëmarrja e madhe në numër të anëtarëve të distriktit e posaçërisht pjesëmarrja e figurave eminente, ku në mesin e të ftuarve special ishin ish Presidentët e Rotarit Ndërkombëtar z.Frank Devlyn dhe z.Wilfrid Wilkinson, Ish Nën-presidenti i Rotarit Ndërkombëtar z.Mark Malloney dhe Presidenti i Rotarit Ndërkombëtar për Britaninë e Madhe dhe Irlandën dhe në të njëjtën kohë Përfaqësuesi i Presidentit të Rotarit Ndërkombëtar në Konferencën e Distriktit 7280 z.Peter King.
Rotarianët nga Kosova në Konferencën e Distriktit ishin të ftuar nderi.
Gjatë konferencës të gjithë Rotarianët nga Kosova u vlerësuan dhe nderuan me titullin “Paul Harris Fellow”, me motivacionin për punën, kontributin në ngritjen dhe zhvillimin e vlerave Rotariane në Kosovë si dhe shërbimit ndaj komunitetit.
jazz surf WordPress theme