Këshilli i Klubeve Rotariane të Kosovës (KKRK) u informua këto ditë nga mediat për situatën në Shtëpinë e Pleqve në Prishtinë ku shfrytëzuesit rezident të këtij institucioni nuk janë duke u furnizuar me ngrohje për shkak të mungesës së lëndëve djegëse.
KKRK u mobilizua dhe arriti të siguroi 1,050 litra naftë për ngrohje, ku gjysma e këtij donacioni u ofrua nga kompania HIB Petrol, ndërsa gjysma tjetër u mbulua nga vetë klubet rotariane.
Kjo sasi e lëndëve djegëse do të mundësojë ngrohje për një javë përmes një shpenzimi më racional me qëllim të tejkalimit të situatës emergjente deri në një zgjidhje më të qëndrueshme.
Këshilli i Klubeve Rotariane të Kosovës është një trupë bashkërenduese e njëmbëdhjetë klubeve rotariane të Kosovës: Prishtina, Prishtina Dardania, Prishtina International, Mitrovica, Peja, Gjakova, Gjakova-Çabrati, Prizreni, Ferizaj, Gjilani dhe Vitia.
Edhe një vepë humanitare nga bashkepunimi i klubeve rotariane të Kosovës.
jazz surf WordPress theme