KLUBI ROTARIAN GJAKOVA-ÇABRATI ka kënaqësinë të ju njoftoj se është përmbyllur me sukses shpërndarja e bursave për vitin e shkuar akademik 2015/2016 nga Fondi i Bursave për Student.
Nga takimi i mbajtur në Tetor nga personat përgjegjës të fondit dhe Kryesia e Klubit është analizuar ecuria e përkrahjes së studentëve dhe suksesi i raportuar nga ana e studentëve bursist. Gjatë gjithë vitit akademik kemi qenë në kontakt të vazhdueshëm me studentët e përkrahur nga Fondi i Bursave që të njihemi më afër me suksesin e studimeve të tyre. Kemi kënaqësinë të konstatojmë se mbështetja e ofruar ka ndihmuar në arritjen e sukseseve të synuara të studentëve bursist gjatë studimeve.
Një falënderim i veçantë shkon për të gjitha bizneset partnerë të Fondit të Bursave që kanë dhënë mbështetjen financiare për studentët dhe kanë mundësuar funksionalizimin e Fondit, pa ndihmën e të cilëve nuk do të arrihej ky sukses.
Dëshirojmë që në emër të Fondit të Bursave, Klubit dhe studentëve bursist të falënderojmë bizneset që ndihmuan fondin për vitin e kaluar akademik.
Falenderojme:
INTERTEX
MERIDIAN EXPRESS
INOVA (INDUSTRIA E GYPAVE TË PLASTIKËS),
Barnatore AQUAPHARM,
LISI-G,
FIBERLINK,
ARGJENDARI GOLD,
QUMSHTORJA GOLAJ
KONSONI-M
Pas ndarjes së suksesshme të bursave për vitin e shkuar akademik dhe duke vërejtur ndikimin pozitiv që kemi patur tek studentët bursist, Fondi synon të vazhdojë aktivitetin e tij në mbështetjen e studentëve me bursa edhe në këtë vit akademik.
Rrjedhimisht, me 24 Nëntor në ROMA Palace në Gjakovë do të realizohet një Gala Mbrëmje Bamirëse me donator, biznese dhe njerëz të vullnetit të mirë në ngritje të fondeve për mbështetjen e studentëve me bursa për vitin akademik 2016/2017.
Për më tepër ndiqni postimet e radhës nga Klubi ynë.
Me respekt,
KLUBI Rotarian Gjakova-Çabrati
jazz surf WordPress theme